• Статистика

  • Blog Stats

    • 524,309 hits
  • Flag Counter

ПАРВИНА ШУКРУЛЛОЕВА КУҶО ШУД?

Парвина Шукруллоева

Парвина Шукруллоева

Тавассути рӯзномаҳо медонам, ки Парвинаро танқид намуданд ва ҳатто рӯйирост изҳори ақида карданд, ки Парвина худаш кӣ аст, ки ба ӯ унвони Ҳунарпешаи мардумии Тоҷикистонро додаанд? Ин тоифа андешаашонро чунин шарҳ медиҳанд, ки Парвина алҳол барои гирифтани унвони баланд барои санъати тоҷик хизмати сазоворе накардааст.

Одатан нафароне ба санъат рӯй оварда пас аз муддате ба мисли ситораи камҷило нопадид мегарданд, ки дар асл истеъдоду маҳорати сурудхонӣ надоранд. То қуллаи дилхоҳ нарасидан аз ноустувориашон дарак медиҳад. Вале ба назар чунин мерасад, ки ҳунармандони соҳибистеъдод низ дар фаъолияти эҷодӣ фосилаи хомӯшии номуайянеро ихтиёр менамудаанд. Мисоли гуфтаҳои мазкур Манижа Давлатова, Наргис Садриддинова ва Парвина Шукруллоева шуда метавонад. Ин ҷо мехоҳам бештар дар бораи Парвина сухан ронам, зеро мухлиси ҳақиқиаш ҳастаму хомӯшии бесабаби ӯ маро ба ташвиш овардааст.

Парвина яке аз ҳунармандони ҷавоне мебошад, ки ҳанӯз аз овони кӯдакӣ сар карда дар ҷодаи ҳунар қадам мезанад. Дар ҳайати ансамблҳо фаъолият бурдан ва иштироки пайваста дар ҷашну чорабиниҳои ҳукуматӣ ӯро маҳбуби дили ҳамагон гардонидааст. Шояд ба ҳамин хотир бошад, ки ӯро ҳунарманди касбӣ ном мебаранд. Дар ёд дорам, ки Парвинаи хурдакак ҳамеша дар телевизион баромад намуда, таваҷҷӯҳи мухлисони наврасашро ба худ ҷалб мекард.

Бисёриҳо мегӯянд, ки Парвина забони тоҷикиро ба хубӣ балад нест, вале чӣ хеле набошад, ба забони тоҷикӣ хеле хуб месарояд ва ғолиби чандин озмунҳоест, ки дар ҳудуди Тоҷикистон ва берун аз он гузаштаанд. Қайд намудан бамаврид аст, ки Парвина натанҳо қобилияти овозхонӣ, балки ҳунари волои рақси ҷаззоб низ дорад. Хеле хуб аст, ки ӯ аз чанд шохаи санъат бохабар аст. Тавассути рӯзномаҳо медонам, ки Парвинаро танқид намуданд ва ҳатто рӯйирост изҳори ақида карданд, ки Парвина худаш кӣ аст, ки ба ӯ унвони Ҳунарпешаи мардумии Тоҷикистонро додаанд? Ин тоифа андешаашонро чунин шарҳ медиҳанд, ки Парвина алҳол барои гирифтани унвони баланд барои санъати тоҷик хизмати сазоворе накардааст. Вале бубинед, ки Парвина ҳамеша дар мадди назари тамошобинон аст, ҳамчун намояндаи мусиқии тоҷик ба кишварҳои ҳамсоя меравад. Магар ҳамаи заҳматҳояш сазовори унвон нест?

Тахминан панҷ сол қабл таронаи арабиеро, ки дар васфи паёмбар Муҳаммад (с) бахшида шуда буд, сароида гирди номаш овозаю ҳангомаҳои манфиро ҷамъ овард. Аён гардид, ки сабаби асосии ҳангомаҳо сарулибоси сароянда ҳангоми иҷрои суруд будааст. Шояд танқиду эътирози одамон дуруст бошад, зеро вақте ки мо дар бораи дину оин сухан мегӯему баргузидагони худоро ситоиш мекунем, бояд худ одобу ахлоқи ҳамида ва пироҳане дошта бошем, ки ба он чизе ки аз даҳонамон мебарояд, мувофиқат кунад.

Шояд таъсири танқидҳо дар мавриди бо либоси кушода ва таронаи динӣ рӯйи саҳна омадан буд, ки Парвина суруди Муҳаммадро дигар дар ҳеҷ куҷо намесарояд, вале кор бе камбудӣ намешавад ва тадриҷан ҳунарманд дар ҳамаи самтҳо комил мешавад. Масалан, Шабнами Сураё, ки айни замон маҳбубуяти зиёд дорад, ҳангоми иҷрои таронаи «Оллоҳ» ақидаронии мухлисон ва мардуми дар дин устуворро ба назар гирифта, дар саҳна бо ҳиҷоб баромад кард. Шояд шумо гумон кунед, ки Шабнам тарсид, ки мавриди танқидҳои дурударози халқ қарор мегирад, охир бе ин ҳам атрофи номи ин овозхон сару садоҳо зиёд аст. Шояд ӯ нахост, ки ӯ боз як ҳангомаи дигарро бархезонад…

Рӯзе дар сомонаи «Odnoklassniki.ru» акси Парвинаро бо пироҳани сафеди арӯсӣ дидам ва дар болояш навишта шуда буд, ки тӯйи Парвина. Ба ҳайрат омадам, наход Парвина шавҳар карда бошад? Албатта, ин кори ман нест, ҳар духтар орзуи барпо намудани оилаи солимро дорад ва ман низ аз ин орӣ нестам. Вале мехостам, ки Парвина дар паҳлӯяш ҳамсафари ҳаётие дошта бошад, ки ӯро дар ҳама ҳолатҳо дастгирӣ намояд ва бахусус, санъаташро эътироф созад. Бисёриҳо имрӯз шавҳар кардани Парвинаро сабабгори баста шудани роҳи ӯ дар ҳунар медонанд. Бархе ақида доранд, ки шавҳараш тоҷир асту ин издивоҷ Парвинаро ба роҳи тиҷорат раҳнамун сохтааст. Дигарон мегӯянд, ки ин бонуи ҳунар тарки Тоҷикистон намуда, дар хориҷа ҳаёти хуш ба сар мебарад. Ин танҳо фарзияҳоест, ки мухлисон аз шунидани он ба ташвиш омадаанд. Ба ҳар ҳол умед дорам, ки Парвина боз ба саҳна баргашта шӯҳраташро дар саҳнаҳои ҷаҳонӣ низ устувор месозад.

ДИЛКУШО

Хангоми истифода аз маводхои блог истинод ба мачаллаи «Дилкушо» хатми аст

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s